AsalamoAlikum!!!
aik sal aur guzar gea. is sal bhi hum ne pechle sal ki kotahion aur galtion se kuch na seekha. Lagta ha sal yunhi guzarte jaen ge. Yeh sal sadion me badal jaen ge. Humari ane wali naslen humen ache ilfaz me yad nahi kren gi q k hum ne un ko Pakistan nahi Qabarsatan dya hoga. Jahan har koi khamosh ha... khof se kanp rha ha... har aankh ashak bar ha...
mere likhne ka style kabhi yeh na tha. main hamesha tanz-o-mazah me stories likhta hon. Lekan 16/12 k sanhe (carnage) k baad mera qalam bhi rone pr majboor ha. 16/12 k sanhe ne dunya ko rula dya ha. Main ne apni mother k ankhon me bhi ansu dekhen han. Aik hindu comedian actor Anupam Kher kehta ha "When you butchered over 130 children in cold blood in a school in Peshawar , I fear there is nothing left in me. I don't know what your objective was but you have certainly reduced me to a dead man walking". Ab to Hakoomat ko bi samjh a gae ha k ache aur bure taliban koi nahi hote. Taliban sirf taliban hote han. Main ab jo kuch kehne ja rha hon woh kuch logon ko parh kr bht karwi lage gi. Lekan Main humesha sach likhta hon. Zarb-e-Azab ka faisala theak tha aur us se pehle muzakrat (negotiation) ka faisala bhi theak tha. Kya ap log jante han taliban, alqaida aur daish (ISIS) ka maslak kya ha. Woh wahabi han. Main agar mazeed wazahat kron to yeh bhi bta sakta hon k woh wahabi konse han... deoband ya ahle hadees. Lekan main aesa nahi kron ga. Mere nazdeek dehshatgard gande log han aur baqi ache wahabi han. Meri ache wahabion se request ha k khudara ap log nafraten na philaen. Humare mulk me kya nafraten kam han. Eid-e-Milad ka chand nazar ate hi ap log football team ki tarhan sar jor kar beth jate han aur tarhan tarhan k propaganda se eid milad manane walon ko bura bhala kehna shuru kr dete han. Ap logon k ishtial angaiz bianat sun kar baqi log sarkon per lage banners utarte han...Jhandian katte han etc etc yehi plan phir moharam k mahine me shion k lye tyar hota ha. Main yahan behas nahi krna chahta k yeh jaiz ha ya na-jaiz. Agar ap log behas kren ge to behas se behas chal pre gi. Koi ap se phir yeh poch le ga k chile katna kahan se sabit ha etc etc. Main personaly aese shakhas (person) ko janta hon jo chile per jab gea to us ki bv (wife) ne kisi gair marad k sath taluq bna lya . jab us shaks ko pta chala to woh majboor hogea k ghar me ane se pehle bv ko talq k documents behjwae. Main aese shakhs ko bhi janta hon jab woh chile per gea to us ka karobar barbad hogea. Main aese shakhs ko bhi janta hon jab woh chile per gea to us k ghar wale sarak (road) pr a gae. woh apne ghar ka wahid sahara tha. Main ne sirf un logon ki misalen di han jinhen main personaly janta hon. na jane aur kitni misalen hongi... Main tableegh k khilaf nahi hon. Mere father bhi tableegh k lye jate han. Woh tab jate han jab mujhe university se chuhtian hoti han. Tableegh per jaen but pehle apne ghar ko theak kr k jaen. Hum logon ko kya sudharen ge, agr humari wajha se humare ghar wale preshani me a jaen.
Umeed ha aur meri khawahish ha k ache wahabi ab aur acha ban kar dikhaen ge. kahen aesa na ho k main "Analysis of 2015" me yeh likhne per majboor ho jaon k wahabi sirf wahabi hote han... ache aur bure koi nahi hote...
Ab kuch tajaweez hakoomat k lye. agar hakoomat ne Usama bin ladin ki gaibana nimaze janaza parhane walon ko girfatar kya hota to aj itne jinaze na parhne parte. Molvi Abdul Aziz ke bian ne General Musharaf ko sacha sabit kr dya ha k Lal masjid per karwai ka faisala galat nahi tha. Main aj bhi lal masjid per operation ko condemn krta hon. Koi school me shaheed ho ya lal masjid me ya wahga border per, Mujhe bht ranj aur takleef pohanchti ha. Main aese shakhas se bhi mila howa hon jis k samne peshawar sanhe ki bat hoi to us ne condemn krne k bajae lal masjid ka rona rone lag gea. k humari army ne us waqt yeh kya tha.
Kya aese darhi wale shakhs ki nimaz Allah qabool kre ga? Kya aese shakhas k Chile qabool honge???
Humare mulak (country) me anarchy ka aik sabab US bhi ha. America k super power k kya kehne... woh apna agenda pehlane k lye malala yousaf zai ko istemal kr rha ha. Malala per hamle ki main muzamat (condemn) krta hon. Lekan malala ki kitab 'I m malal' parhane k baad us se nafrat ka izhar krta hon. us ne apni kitab me salman rashidi gustakh, General Zia k dor-e-hakoomat (tenure) , burqe per, Pakistan ki 50th anniversary aur Qadyanion k bare me jo baten likhen han woh bian nahi krna chahta. Kitab parhne k baad malala ki koi bhi news jab tv per ati ha to main channel change kr leta hon. Mere nazdeek malala day is bullshit. Hum log Dr.Afia day q nahi manate because us ka khareedar america ha. Hum log 'Faheem aur Farhan' day q nahi manate because un ka qatil Ramyond Davis ha.
Ab kuch bat dharne ki kr lete han. Agar peshawar saneha na hota to meri zyada behas dharne per honi thi. Bhar-hal main is ko mukhtasar (short) krta hon. aur apni rae (opinion) dharne k bare me deta hon. Agar main ne bhi NS (Nawaz Shareef) sab ki tarhan dharne ko ignore kr dya to ap logon ne mere khilaf dharna de dena ha.
NS kehte han k dharne se mulk ko nuqsan pohancha ha. Main kehta hon k sirf August k month me. Q K log us time dare hoe the, first time itna bara dharna tha. baad me logon ko adat hogi thi dharne ki. Pehle school se bache chuhti krte the lekan dharne ki wajha se school ki madams chuhtion per rehne lag gaen aur dharne ko hi apna school bna lya, jis ke Principal IK (imran khan) aur vice principal TUQ (Tahirul qadri) sab the. China k president ne Pakistan na a kar apni buzdili ka saboot dya ha. Isi dharne (protest) k doran KSE (karachi stock exchange) tareekh ki buland satha ko chuha ha. aur dolor ka rate bhi nahi barha ha.
Humen apne leaders ki izzat krni chahye. Apni ana ka masla ni bnana chahye. NS, IK aur TUQ jese leaders roz roz paida ni honge. Main JI (jamat islami) aur JUIF (fazul rehman) ki bat ni kr rha q k manawer hussain se jab me ne suna k taliban shaheed han etc phir 1 topic chal pra tha k "Shaheed Kon?" . us din k baad se mujhe JI se hi nafrat ho gae. Ab ap khud dekh len k JI ka maslak konsa ha. Aakhir aik hi maslak wale un ki hamayat q krte han. Mujhe to lagta ha k agar unhe hakoomat ka zara sa dar bhi na ho to yeh log khul kr taliban ki hamayat kren ge. Lekan ab hakoomat ko taliban se nimtane ke sath sath aese iqdamat bhi krne honge k daish humare mulk me enter na ho.
Janab NS sab mehrbani farma kar Energy Crisis per bhi twaja de len. Mulk me sab se zyada nuqsan energy crisis aur dheshatgargi ki wajha se ho rha ha, Dharne ki wajha se nahi. Humare mulk me na to bijli ha na pani ha aur na hi sheela ki jwani ha. In sab cheezon per india ne kabza kya howa ha. Mian sab apne to math ka inversaly proportional wala formula hi prove kr dya ha. "Dharna shuru, load shedding khatam... Dharna khatam, load shedding shuru". Mian sab agar ap serious na hoe to kahen log phir se "Go Nwaz Go" k nare (slogans) lagane per majboor na ho jaen.
Ab kuch bat Gulu Butt ki. Gulu butt kis ka admi ha, agr koi janana chahta ha to woh model town centeral flat (model town aur faisal town ki darmiani sarak) ja kr poch sakta ha. wahan ka har banda janta ha. Gulu butt PPP k dur (tenure) me hakoomat mukhalif nare lagata tha, 2,3 tyre sarak k beech me jalata tha. tent laga kr speaker me apni taqreren krta.
Gulu Butt ka garian torna kuch logon ko bohat pasand aya. Oxford Dictionary me gulu butt ka matlab "Garian torne wala" likha howa ha. GB (Gulu butt) ne button ka name bht roshan kr dya ha. Meri na-qas malomat k mutabiq NS sab bhi butt family se belong rakhte han. GB ne aakhir kis k hukam pr yeh kam kya. ap log jante han. Mujhe afsos hota ha Faisalabad walon per jinhon ne Rana Sanaullah jese logon ko panah de rakhi ha. Jo model town me 17 logon aur phir Haq Nawaz k katal me bhi malawas paya gea.
Aakhri bat 2 lines me nelofer ki karon ga. O ho main yahan kisi lady ki bat ni kr rha, balke nelofer samandari tofan ki kr rha hon. Mujhe sindh speaker ki bat bht pasand ai. Jab logon ne kaha k nelofer a rha ha to jnab speaker ne kaha k kuch ni hoga... samandar (sea) k kinare "Abdullah Shah Gazi" ka mazar ha. Phir aesa hi howa. Allah k walion per humara Aqeeda aesa hi hona chahye.
Main India ki jarheat (aggression) aur Falasteen k mazloom logon per bhi likhna chahta hon. Lekan page ki length ijazat ni de rhi.
Ap log mujhe Twitter per bhi follow kar sakte han. My id is "KQ_fast"
Wasalam
Khawaja Qasim
